Wulkotne funkcije so wo to staraja, zo wuknjenje
a wučenje programowanja stej lochkej a wjeselo činjetej

Thimble je editor žórłoweho koda z mnoholičbnymi funkcijemi, kotryž direktnje we wobhladowaku běži. Je so wuwił, zo by nowym programowarjam pomhał, jich sydła a webprojekty z HTML, CSS a JavaScript wutworić. Wšitko, štož trjebaće, je k ruce, zo byšće wy (abo waša rjadownja) móhł tak bórze kaž móžno započeć.

Wobsahuje editor žórłoweho koda, webserwer, webwobhladowak a wuwiwarske nastroje w jednym – a je darmotny!

Waše změny so hnydom pokazuja

Z hnydomnym přehladom móžeće wobsah spěšnišo wutworić a z tym eksperimentować. Změny na wašim žórłowym kodźe so hnydom pokazuja.

Změńće někajki projekt Thimble

Spodoba so wam projekt Thimble, kotryž widźiće? Změńće jón, zo byšće swoju wersiju wutworił. Móžeće tež swój projekt přećelam abo studentam pósłać – što da budu z toho činić?

Praktiske šlapki žórłoweho koda

Wužiwajće praktisku lisćinu kodowych šlapkow HTML, CSS a JavaScript, kotrež móžeće do swojeho koda zasadźić, zo byšće spěšnišo dźěłał.

Zatwarjena konsola JavaScript

Dźěłaće na JavaScript? Zatwarjena konsola Thimble wosnadnja wjace hač prjedy waš kod testować a za zmylkami přepytować.

Dataje přidać a rjadować

Thimble kaž woprawdźity webprojekt funguje, móžeće swoje dataje wutworić, přemjenować, zhašeć a samo nahrać.

  • Sćehńće .zip swojeho projekta a wočińće jón ze swojeje kruteje tačele
  • Ćehńće dataje ze swojeho ličaka do Thimble

Swěcy zapinać a wupinać

Thimble poskića ćmowu a swětłu drastu, wubjerće to, kotryž so wam lěpje spodoba. Móžeće tež druhe nastajenja kaž wulkosć teksta přiměrić.

Slědować a zasadźene nawody wutworić

Projekty móža nawody měć, kotrež wam (abo wašim studentam) pomhaja, hdyž změny na projektach přewjedu.

Při pisanju šlapki žórłoweho koda pokazać

Samo hdyž njemóžeće sej wjele prawidłow a syntaksu spomjatkować, njewjaznjeće. Thimble da wam pokiwy w datajch HTML, CSS a samo JavaScript.

CSS direktnje we wašich HTML-stronach wobdźěłać

Pisajće CSS-stile za swoje elementy bjez toho, zo byšće swoju HTML-stronu wopušćił, kotruž wobdźěłujeće. Stajće tekstowy kursor na někajku elementowu značku a tłóčće Cmd/Strg + E, zo byšće započał, CSS-stile pisać.

Projekty spěšnje we webje wozjewić

Móžeće z jenož jednym kliknjenjom swoje projekty we webje wozjewić. Pozdźišo, hdyž změny přewjedźeće, móžeće swój projekt lochko aktualizować.

Barby direktnje w editorje wubrać

Stajće tekstowy kursor na někajku barbowu hódnotu w CSS-dataji a tłóčće Cmd/Strg + E, zo byšće barbowy wuběrak wočinił.

Testujće swój projekt na mobilnym graće

Hdyž do mobilneho přehlada přepinaće, widźiće swoje dźěło na wuskim graće. Zmóžńće potom zaso přehlad połneje wobrazowki, zo byšće wulki napohlad widźeć.

HTML-elementy spěšnje namakać

Aktiwizujće DOM Inspector a pohibujće kursor myški nad rozdźělne elementy w přehledźe. Thimble wotpowědny kod w HTML-editorje wuzběhnje.

Wobrazowe filtry

Přidajće swojim wobrazam filtry, zo byšće swoj projekt zabawniši činił. Kóčki njejsu hišće nihdy tak derje wupadali!

Selfi činić

Přidajće stronje, na kotrejž runje dźěłaće, swójske foto z pomocu selfijoweho nastroja Thimble – wužiwa webkam wašeho ličaka. Započńće prosće značku <img src= na swojej HTML-stronje pisać a budźeće wotprašowanje widźeć.